Цагдаагийн байгууллага, албан хаагчдыг өнөөдрөөс энэ сарын 30-ны 18:00 цаг хүртэлх хугацаанд өндөржүүлсэн байдлын нэгдүгээр зэрэглэлд шилжүүлж байна.
Улсын Их Хурлын болон аймаг, нийслэлийн иргэдийн төлөөлөгчдийн хурлын сонгуулийн үеэр иргэд, олон нийтийн амгалан тайван хангах зорилгоор болзошгүй гэмт хэрэг, зөрчлөөс урьдчилан сэргийлэхээр нэгдүгээр зэрэглэлийн өндөржүүлсэн бэлэн байдалд шилжүүлж буй бөгөөд сонгуулийн штаб болон сонгогч иргэдийг шуугиан тарих сэжигтэй үйлдэл хийхгүй байхыг Цагдаагийн Ерөнхий газраас анхааруулж байна.
Мөн энэ үеэр Замын цагдаагийн газрын дарга бие бүрэлдэхүүнийг өндөржүүлсэн бэлэн байдлын үеэр хариуцлагатай эргүүл жижүүрийг томилох тухай тушаал гаргаж, албан хаагчдад ажлын чиг үүрэг өглөө.
