Нийслэлийн хэмжээнд УИХ-ын болон нийслэлийн ИТХ-ын төлөөлөгчдийн энэ удаагийн сонгуульд өнөөдөр нийт 924629 сонгогч нийслэлийн есөн дүүргийн 397 санал авах байранд саналаа өгнө. Үүнд:
-Баянзүрх дүүрэгт - 220,130 буюу 23.8 хувь
-Сонгино хайрхан дүүрэг - 205,276 буюу 22.2 хувь
-Баянгол дүүрэгт -140,846 буюу 15.2 хувь
-Чингэлтэй дүүрэгт -111.022 буюу 12.0 хувь
-Хан-Уул дүүрэгт -105.874 буюу 11.5 хувь
-Сүхбаатар дүүрэгт -96.265 буюу 10.3 хувь
-Налайх дүүрэгт -23,976 буюу 2.5 хувь
-Багануур дүүрэгт -19,442 буюу нийт сонгогчдын 2.1 хувь
-Бага хангай дүүрэгт -2,798 буюу 0.3 хувь сонгогч бүртгэгдсэн байна. Мөн иргэд аль хэсгийн хороонд буюу санал авах байранд саналаа өгөх талаар мэдээлэлгүй байвал http://cityelection.ulaanbaatar.mn/index.php/nith цахим хуудаснаас харах боломжтой ажээ. Үүнээс гадна 1800-1617 утаснаас үнэгүй лавлаж болох талаар холбогдох газруудаас мэдэгдэж байна.
Мөн Нийслэлийн хэмжээнд 490 чиглэлд гурван мянга 978 сонгогч зөөврийн битүүмжилсэн хайрцгаар саналаа өгөх юм. Зөөврийн битүүмжилсэн саналын хайрцгаар хуулинд тодорхойлсон дараахь иргэд саналаа өгөх бөгөөд үүнд:
• Эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй
• Дайчилгааны тухай хуульд заасны дагуу нийтийн дайчилгаанд хамрагдан ажиллаж байгаа
• Захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авагдсан
• Байцаан шийтгэх албадлагын арга хэмжээний улмаас баривчлагдсан, цагдан хоригдсон
• Санал авах ажиллагааг зохион байгуулж байгаа сонгуулийн байгууллагын ажилтан, цагдаа, иргэний бүртгэлийн байгууллагын итгэмжлэгдсэн төлөөлөгч, мэдээллийн технологийн даамал нар зөөврийн саналын хайрцгаар саналаа өгнө.
Санал авах ажиллагаа үдшийн 22:00 цагт дуусна.
