“Илрүүлэлт” нэгдсэн арга хэмжээний хүрээнд их хэмжээний тарвага ачиж явсан машиныг саатуулжээ. Тодруулбал, өчигдөр Сонгинохайрхан дүүргийн нутаг 22-ын товчооны замд Портер маркийн автомашинд хууль бус 104 тарвага, бичиг баримтгүй Тоз-8 маркийн буу хоёр ширхэг авч явсныг тус тус илрүүлсэн байна. Энэхүү шалгалтыг Замын цагдаагийн газрын Сонгинохайрхан дүүргийн замын цагдаагийн тасгийн зохицуулагч цагдаа, цагдаагийн ахлах ахлагч Д.Батчулуун, Хамгаалалтын 1-р газрын цагдаа цагдаагийн ахлах ахлагч Б.Лувсан-Осор, Нийслэлийн мэргэжлийн хяналтын газрын мэргэжил хяналтын улсын байцаагч Д.Батбаатар, Сонгинохайрхан дүүргийн цагдаагийн 1-р хэлтсийн хэв журмын ажилтан Ц.Цэнд-Аюуш, Н.Ганбаатар нар хийсэн байна.