Энэ удаагийн сонгуулиар сонгогчид УИХ-ын болон орон нутгийн сонгуульд нэр дэвшигчдээс тус тус сонголтоо хийнэ. Сонгогч Та саналаа өгөхдөө УИХ-ын гишүүнээр болон оршин суугаа газрынхаа ИТХ-ын төлөөлөгчөөр өөрийн итгэсэн хоёр хүнээ сонгох боломжтой.
Санал хураах хэсэг дээр очиход танд саналын хуудас өгнө. Саналын хуудас хоёр хэсгээс бүрдэж байгаа бөгөөд хар зураасны дээд талын хэсэгт УИХ-ын сонгуульд нэр дэвшигчид байрлаж байгаа. Харин хар зураасны доод хэсэгт аймаг, нийслэлийн иргэдийн төлөөлөгчдийн хуралд өрсөлдөж буй нэр дэвшигчийн нэрс байх юм.
Саналаа өгөхдөө:
Сонгогч та “А” намаас УИХ-ын сонгуульд нэр дэвшигч “Б”-г дэмжиж байгаа бол түүний нэрний өмнөх дугуйг будна.
Дараа нь зураасны доод талд байрлах аймаг нийслэлийн иргэдийн төлөөлөгчдийн хуралд нэр дэвшиж буй “Б” намын “С”-ийг дэмжиж байгаа бол мөн л түүний нэрний өмнөх дугуйг будна.
