11:00 цагт Хангарди ордны 14 давхрын хурлын танхимд Нийслэлийн Иргэдийн Төлөөлөгчдийн 7 дахь удаагийн хурлын анхдугаар хуралдаан болно. Хуралдаанаар Нийслэлийн ИТХ-ын сонгууль явуулсан дүн, шинээр сонгогдсон төлөөлөгчдийн бүрэн эрхийг зөвшөөрөх тухай, нийслэлийн ИТХ-ын даргыг сонгох, нийслэлийн ИТХ-ын Тэргүүлэгчдийн тоог тогтоож, Тэргүүлэгчдийг сонгох, нийслэлийн Засаг дарга бөгөөд Улаанбаатар хотын Захирагчид нэр дэвшүүлэх тухай асуудлыг хэлэлцэнэ.
11:00 цагт МОНЦАМЭ агентлагийн байран дахь АСЕМ-ын Мэдээллийн төвд АСЕМ-ын дээд хэмжээний уулзалтын үеэр “Чингис хаан” олон улсын нисэх буудлаар үйлчлүүлэх гадаад, дотоодын зорчигчдыг үдэж, угтах үйлчилгээг хэрхэн зохион байгуулах талаар холбогдох албаны хүмүүс дэлгэрэнгүй мэдээлэл өгнө.
13:00 цагт МХБХ-ы байранд "Зүүн ААШТ"-ий урьдчилсан шатанд Макао, Тайвань, Умард Марианы арал гэсэн гурван улстай өрсөлдсөн Монголын шигшээ баг хэвлэлийн бага хурал хийнэ. Өнгөрөгч сарын 27-ний өдөр Гуам улсыг зорьсон манай шигшээ баг 6-р сарын 30-нд "Макао"-тай 2:2-оор тэнцэж, энэ сарын 2-нд Тайвань улсын шигшээ багт 2:0-ээр хожигдсон. Хэдий хэсгээс шалгарах боломжгүй болсон ч өчигдөр Умард Марианы Аралыг 8:0-ээр бут ниргэж түүхэн амжилт тогтоосон. Тийнхүү хэсгийн хоёрдугаарт бичигдэж тун сайн тоглолтыг үзүүлсэн шигшээ багийнханы талаар мэргэжилтнүүд ам сайтай байгаа.
14:00 цагт Тусгаар тогтнолын ордонд мэргэшсэн нягтлан бодогчдын тангараг өргөх ёслол болно.
