Ирэх долоо хоногийн сүүлээр Улаанбаатар хотод “Ази-Европын парламентын дээд түвшний 11 дүгээр уулзалт" зохион байгуулагдах гэж байна. Олон орны төрийн өндөр, дээд албан тушаалтнууд хүрэлцэн ирэх энэ уулзалттай холбогдуулан дараах хуваарийн дагуу дугаарын хязгаарлалт хийхээр болжээ.
Замын хөдөлгөөний хэт ачааллаас урьдчилан сэргийлэх зорилгоор 2016 оны долдугаар сарын 14,16-ны өдрүүдэд автомашины улсын дугаарын сүүлчийн орон ТЭГШ тоогоор төгссөн, 2016 оны долдугаар сарын 15,17-ны өдрүүдэд автомашины улсын дугаарын сүүлчийн орон СОНДГОЙ тоогоор төгссөн авто тээврийн хэрэгслийг замын хөдөлгөөнд оролцуулна.
