НӨАТ-ын урамшуулал системийн 13 дахь сугалааны тохирлоор мөнгө хожсон хүмүүс өнөөдөр батламжаа гардан авлаа. Энэ удаагийн тохирлоор 100.000 төгрөгийн 696, 500.000 төгрөгийн 69, 4.000.000 төгрөгийн ес, 20.000.000 төгрөгийн гурав гээд нийт 7685 азтан тодорсон байна. Тэдний нэг нь найман настай Б.Энхлэн нийслэлийн 20 дугаар сургуулийн хоёрдугаар ангид сурдаг аж. Б.Энхлэн гэрийнхээ ойролцоох дэлгүүрээс кофе, элэгний нухаш, талхыг 3900 төгрөгөөр худалдан авч, 20 сая төгрөгийн азтан болсон байна.
