Цагдаагийн байгууллагын түүхт 95 жилийн ой энэ онд тохиож байна. Энэхүү ойг угтсан арга хэмжээ долдугаар сарын 21-22-ны өдрүүдэд болох аж. Ойн босгон дээр өнөөдөр цагдаагийн алба хаагчдад Төрийн дээд одон медаль болон Цагдаагийн газрын шагнал гардуулах үйл ажиллагаа боллоо.
Улаанбаатар хотын Хяналт шалгалт, аюулгүй байдал, ёс журмын хэлтсийн хэсгийн дарга Б.Ганболд, Цагдаагийн ерөнхий газрын Сургалтын төвийн дарга Б.Цогтбаяр, Үнэлгээ хяналт шинжилгээ шалгалтын хэлтсийн дарга Д.Долгорсүрэн, Мөрдөн байцаах газрын онц хүнд гэмт хэрэг мөрдөх хэлтсийн дарга Б.Манлайбаяр нар цагдаагийн хурандаа цолоо гардаж авлаа.
Мөн цагдаагийн 108 албан хаагч цол нэмж, цагдаагийн гавьяа тэмдгээр 44, хүндэт жуух 67, баярын бичгээр 44 алба хаагч шагнагдлаа.
