Бүсийн оношилгоо эмчилгээний төвд 128 зүсэлттэй компьютерийн Томограф, зүрхний суурин болон зөөврийн өнгөт ЭХО, дотор эмэгтэйчүүдийн 3/4D өнгөт ЭХО, тархи зүрхний цахилгаан бичлэгийн аппарат, тархины өнгөт Допплерграфи, Диализын аппарат зэрэг дэвшилтэд техник тоног төхөөрөмжөөр хангалаа. Мөн Өмнөговь аймгийн эрүүл мэндийн салбарт ХБНГУ-д захиалгаар үйлдвэрлүүлсэн яаралтай түргэн тусламжийн бүрэн тоноглогдсон 9 автомашиныг нийлүүллээ. Үүний үр дүнд Аймгийн БОЭТ-н тоног төхөөрөмжийн стандарт хангалтыг 88 хувьд, бүх эмнэлэгүүдийн дундаж стандарт хангалт 87 хувьд хүргэж Улаанбаатар хотын клиникийн зөвлөх эмнэлэгүүдэд очиж эмчлүүлэхээр явах иргэдийн тоо 2012 оноос 43,1 хувиар буурсан амжилт гарлаа.
