2016 оны долдугаар сарын 29-ны өдрийн байдлаар Орхон гол Хархорин сум, Хангай нурууны өврөөс усжих Байдраг гол Баянбүрд сум, Онги гол Сайхановоо сум, Хархираа уулсаас усжих Хархираа гол Тариалан орчмоор усны түвшин өмнөх өдрөөс 5-10 см нэмэгдэж, үерийн түвшинг 10-15 см тус тус давж үерлэж байна. Алтай нурууны Ховд гол ( Мянгад сум) үерийн аюултай түвшинг 30 см тус тус давсан хэвээр үертэй байна. Иймд дээр дурьдсан голуудын сав дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байж бага насны хүүхдийг хараа хяналтгүй гол руу явуулахгүй байхыг онцгойлон анхааруулж байна.
