Сүүлийн өдрүүдэд ихэнхи нутгаар хэт их халж байна. Цаг агаартай холбоотойгоор усанд живж амь насаа алдах тохиолдол тасрахгүй байна. Өнгөрсөн амралтын өдөр гэхэд зургаан хүн амиа алдсан харамсалтай хэрэг гарсан байна. Өнгөрсөн амралтын өдөр Сэлэнгэ Сайхан сумын III багийн нутаг Хараа голд тус сумын харъяат 37 настай эрэгтэй Л усанд орж байгаад живжээ. ХУД-ийн 12 дугаар хороонд карьерийн тогтоол усанд Завхан аймгийн харъяат 18 настай эрэгтэй М толгойгоо угааж байгаад хайрга нурж хөл алдан живж нас баржээ. Хэргийг Хан-Уул дүүргийн цагдаагийн II хэлтэст шалгаж байна. Он гарсаар 70 гаруй хүн ийнхүү усанд осолдож амиа алдаж байна.
.jpg?1737345727832)
