Цагдаагийн алба хаагчид цагаан халат өмсөн эмчийн дүр эсгэж хулгай, дээрмийн хэрэг хийдэг О-г баривчилсан байна. О гэгч тавдугаар сарын 12-ны өдрөөс долдугаар сарын 13-ны хооронд нийслэлийн бүх дүүрэгт байрлах эмнэлэгт эмчийн цагаан нөмрөг өмсөн нэвтэрч, хулгай хийсэн байна. Тэрбээр хулгай хийхдээ “Би дадлагын оюутан байна” хэмээн өөрийгөө танилцуулж, иргэдийн гар утас, түрийвч, цүнх, зөөврийн компьютер, мөнгө болон бусад эд зүйлийг хулгайлжээ.
