Химийн хорт бодис ачсан автомашиныг аюулгүй болгожээ

Нийслэлийн Баянгол дүүргийн 20 дугаар хороо, ТЭЦ-4 дулааны цахилгаан станцын хажууд “Хос ирвэс” ХХК-ийн байрлалд их хэмжээний химийн бодис байна гэсэн дуудлага өчигдөр буюу энэ сарын 7-ны өдөр ОБЕГ-т ирсэн байна. Тус дуудлага 17:00 цагийн үед ирсэн бөгөөд энэ дагуу харьяа Аврах тусгай ангийн 10, Нийслэлийн Онцгой байдлын 1, Цагдаагийн 4 албан хаагч, Мэргэжлийн хяналтын албаны 2 байцаагч, нийт 17 хүн, 3 техник хэрэгсэлтэйгээр ажилласан байна. Тухайн үед 14 тонн идэмхий натри ачсан “Шлаанз”  автомашиныг аюулгүй болгожээ.