Монголын бурхан шашинтны төв Гандантэгчинлэн хийд дэх Дашчойнпэл дацанд өнөөдөр буюу наймдугаар сарын 19-нд Гонгор, Намсрайн бумбаны их тахилга эхэлж байна. Бумбаны их тахилга жил бүрийн жил бүрийн намрын эхэн сард Гонгор, Намсрай, Дарь-Эхийн, Замбалын түүнчлэн лусын тэргүүтэн бумбуудыг уламжлал болгон тахидаг ажээ. Энэхүү ёслол нь гурван өдөр болох бөгөөд 09:00-16:00 цаг хүртэл өвөрмөц дэг жаягтай хурал номын үйл ажиллагаа явагдах юм.
Гонгор, Намсрай тэргүүтэн нь ертөнцийн тэнгэр хүмүүний хүслийг хангах, эд эдлэлийг арвитгах, үгээгүй ядуугийн зовлонг гэтэлгэх тангарагтай бурхад ажээ. Ялангуяа Гонгор бурханы зүүн мутартаа барьсан бумбыг хүслийг хангагч чандмань эрдэнэ гэж нэрлэдэг байна. Тиймээс энэ бурханы бумбыг ном ёсоор нь бүтээж шид оруулан хайрлах, дээдлэх, тахих учир утгатай ажээ.
