Хичээлийн шинэ жил эхлэхтэй холбогдуулан бүх нийтийн цэвэрлэгээг зохион байгуулахаар болжээ. Цэвэрлэгээ Сүхбаатар дүүргийн нутаг дэвсгэрээс өнөөдөр эхлэх юм байна. Уг цэвэрлэгээ нь маргааш хүртэл үргэлжлэнэ. Нийтийн эзэмшлийн гудамж талбай, явган болон авто зам, ногоон байгууламж, далан, гуу жалга, байгууллага, аж ахуй нэгж эзэмшил газраа цэвэрлэх аж. Мөн ерөнхий боловсролын сургууль, цэцэрлэгийн гаднах орчны хог хаягдлыг цэвэрлэн шарилж, зэрлэг ургамлыг зулгаах юм байна.
