Амралт зугаалгын улирал дуусч, хичээлийн шинэ жил эхэлж байгаатай холбогдуулан тээврийн хэрэгслийн хөдөлгөөн эрс нэмэгдэж байгаа билээ. Үүнтэй холбоотойгоор орон нутгаас Улаанбаатар хотыг чиглэсэн 58 чиглэлд 103 тээврийн хэрэгслээр 4080 зорчигч хот хоорондын нийтийн зорчигч тээврийн хэрэгслээр үйлчлүүлж байгаа аж. Үүнд:
Увс - Улаанбаатар чиглэлд найман тээврийн хэрэгсэл 334 зорчигч,
Баянхонгор - Улаанбаатар чиглэлд долоон тээврийн хэрэгсэл 315 зорчигч,
Баян-Өлгий – Улаанбаатар чиглэлд долоон тээврийн хэрэгсэл 252 зорчигч,
Ховд – Улаанбаатар чиглэлд зургаан тээврийн хэрэгсэл 346 зорчигч тус тус хөдөлгөөнд оролцож байна.
Тиймээс орон нутгийн чиглэлд үйлчилж буй жолооч нар өөрийн болон бусдын аюулгүй байдлыг хангуулж, анхаарал болгоомжтой замын хөдөлгөөнд оролцохыг албаныхан сануулав.
