Экс Ерөнхий сайд Н.Алтанхуяг МАН-ын олонх болсон Засгийн газрын шийдвэрүүдийг “ухралт” гэж үзжээ. Тэрээр энэ талаар өөрийн цахим хуудастаа “МАН ч мангартаж байна даа. Ухраагаад л.. “хэмээн бичсэн байна.
Засгийн газраас эдийн засгийн хямралыг даван туулахын тулд бүх төрлийн татварыг тодорхой хэмжээгээр нэмж, төрийн өндөр албан тушаалтан, шүүгч нарын цалинг 30-60 хувиар бууруулахаар болсон. Эл шийдвэрийг сөрөг хүчин болон эдийн засагчид шүүмжилж, эсрэг саналтай байгаа юм.Тэд төсвийн тодотголд тусгагдсан таналтууд нийт төсвийн орлогод эзлэх хувь бага гэдгийг онцолж буй.
