Дундговь аймгийн Говь-Угтаал, Сайнцагаан суманд хонины цэцэг өвчин гарсан. Үүнтэй холбогдуулан Сайнцагаан суманд найман айлын 461 хонины 105-ыг нь утгасан бол Говь-Угтаал суманд зургаан айлын 560 хонь өвчилж, үүнээс 70-ыг нь устгажээ. Халдварын голомт болоод голомттой ойр байгаа айл өрхийн хонинд вакцинжуулалт хийсэн хэдий ч малчдын отор нүүдэл, хөл хөдөлгөөн ихтэй байгаагаас үүдэн өвчин намдахгүй байгааг Онцгой байдлын газраас мэдээлж байна.
Иймд цэцэг өвчинтэй тэмцэх ажлыг эрчимжүүлэхээр ажлын хэсэг байгуулж, Үйзэн багт долоон пост шинээр гарган ажиллуулах, өвчин гарсан сумдад хорио цээрийн дэглэмийг чангатгаж малчдад мэдээлэл сайн хүргэх, бусад сумын малын эмч нарыг дайчлан голомтод байнга ажиллуулах, Цагдаагийн байгууллагын хүн хүчийг нэмэгдүүлэх, постод ажиллаж буй алба хаагчдад ХААГ-аас мэргэжил арга зүйн зөвлөгөөгөөр сайн хангах, тэднийг эрүүл мэндийн үзлэгт хамруулах, устгасан малын жагсаалт мэдээллийг улсын ОБЕГ-т явуулах, үйл ажиллагаанд зарцуулах төсөв хөрөнгө, ажлын нарийвчилсан төлөвлөгөөг гаргах зэрэг ажлыг хийж гүйцэтгэж байгаа аж.
