Өнөөдөр болох үйл явдлууд

10.00 Улсын Их Хурлын Байгаль орчны байнгын хорооны гишүүд Улаанбаатар хотын Цэвэрлэх байгууламжийн үйл ажиллагаатай танилцана.

10.30

• Хууль зүй дотоод хэргийн яаманд Монгол Улсын Ерөнхий сайдын захирамжаар байгуулагдсан ажлын хэсэг МҮХАҮТ, АОЭНХ-ны төлөөлөгчдийг хүлээн авч уулзан хөрөнгө оруулагчид, аж ахуй эрхлэгчдэд төрийн захиргааны болон хуулийн байгууллагаас хууль бусаар дарамт учруулсан , хүнд суртал гаргасан, үндэслэлгүйгээр мөрдөн шалгах зэргээр эрх ашгийг нь хохироосон асуудлын талаар санал солилцоно.
• ОХУ-ын төмөр зам, БНХАУ-ын төмөр замын удирдах албан тушаалтнууд оролцох "Транссибирийн төмөр замуудын зохицуулах зөвлөл"-ийн 25-р их хурал Туушин зочид буудалд болно.

11.00

• Улаанбаатар хотын цагдаагийн газраас Англи улсын иргэн амь насаа алдсан гэмт хэргийн талаар мэдээлэл хийнэ.
• Ардчилсан намын байранд НИТХ дахь АН-ын бүлгийн гишүүд цаг үеийн асуудлаар мэдээлэл хийнэ.
• Нэн шаардлагатай иргэдэд элэгний В, С вирус тодорхойлох шинжилгээг үнэ төлбөргүй хийх сарын аян зарлаж байгаа талаараа "Хаппи веритас оношлогооны төв"-өөс Монгол ньюс төвд хэвлэлийн бага хурал зохион байгуулж мэдээлэл өгнө.

11.30

• Иргэний танхимд "Монгол-Ил хаадын судалгаа", “Монгол Алтайн магтаал”, “Монгол цуурын аялгуу” төслийн нээлтийн ёслол болно.
• Нийслэлийн АН-ын дарга Э.Бат-Үүлийг С.Зоригийн хэрэгт яллагдагчаар татаж шалгаж эхэлснийг эсэргүүцэж СГЗ С.Амарсанаа, МУГЖ Д.Сосорбарам тэргүүтэй Ардчилсан хувьсгалын зүтгэлтнүүд Монгол ньюс мэдээллийн төвд хэвлэлийн хурал хийнэ.
• Хууль зүйн үндэсний хүрээлэнд Монголын Хуульчдын холбооноос хэвлэлийн бага хуралтай.

14.00 Боловсрол соёл шинжлэх ухаан, спортын яаманд шилдэг залуу эрдэмтдэд инновацийн дараах тэтгэлэг олгох арга хэмжээ болно.