Улсын хэмжээнд долоон аймгийн 51 сум, дүүрэгт хонины цэцэг өвчин гараад байгаа билээ. Тухайлбал, Сухбаатар аймгийн 11 сум, Хэнтий аймгийн есөн сум, Дорнод аймгийн долоон сум, Төв аймгийн 10 сум, Дорноговь аймгийн найман сум, Дундговь аймгийн таван сум, Баянзүрх дүүрэгт энэ өвчин гарсан. Мөн Говьсүмбэр, Төв аймагт шүлхий өвчний тархалт их байгаа талаар холбогдох албаныхан мэдээлж байна. Түүнчлэн өвчний улмаас 5800 гаруй малыг устгасан бөгөөд Баруун-Урт, Төв аймгийн Баян, Баянцагаан, Дундговь аймгийн Сайнцагаан, Говь-Угтаал, Дорноговийн Сайншанд зэрэг дөрвөн аймгийн найман суманд хорио цээр тогтоогоод байгаа ажээ.
