Ипотекийн зээлийн журамд өөрчлөлт ороогүй

Ипотекийн зээлийн журмыг Барилга, хот байгуулалтын яам, Сангийн яам хамтран боловсруулж байгаа билээ. Гэхдээ Барилга, хот байгуулалтын яамнаас ипотекийн зээлийн журамд өөрчлөлт оруулах тухай саналаа Монголбанкинд ирүүлсэн байна. Уг саналыг Монголбанкны холбогдох удирдлагуудын төвшинд хэлэлцсэн ч одоогоор хариу шийдвэр гаргаагүй байгаа аж. Монголбанкны Захирлуудын зөвлөл өнгөрсөн долоо хоногоос эхлэн ипотекийн зээлийн санхүүжилтийн талаар илүү тогтвортой механизмыг бүрдүүлэхээр хуралдаж, зарчмын саналуудыг хэлэлцэж эхэлжээ. Гэхдээ одоогоор эцсийн шийдвэр гараагүй мөн ипотекийн зээлийн журамд өөрчлөлт ороогүй байгаа юм байна.