Нийслэлийн Тээврийн газраас нийтийн тээврийн үйлчилгээнд явж буй автобусны компаниудын иргэдэд үйлчлэх цагийн хуваарийг баталдаг билээ. Хуваарийн дагуу том оврын автобусууд өглөө 06:45 цагаас эхлэн, оройны 22:30 цаг хүртэл зорчигчдоо тээвэрлэх журамтай байдаг билээ.
Энхтайваны өргөн чөлөө буюу Таван шараас Офицеруудын ордон явах чиглэлийн автобусууд 22:30 цагт сүүлчийн тээвэрлэлтээ хийх үүрэгтэй. Харин Хужирбулан, Налайх чиглэлийн автобус тус цагаас арай эрт зогсох хуваарьтай юм. Гэтэл зарим иргэд автобусууд цагаасаа эрт зогсох болсон гэх гомдлыг нийслэлийн шуурхай мэдээллийн төвд гаргах болсон байна. Учир нь цагийн хувиараар автобуснууд явдаг болсноос зарим нь 19 цаг болгоод зогсчихож байна гэсэн гомдол иргэдийн зүгээс багагүй тавих болжээ.
Гэхдээ иргэн таны зорчих чиглэлийн автобусууд хуваарийн дагуу явахгүй байвал Нийслэлийн Тээврийн газарт гомдол гаргах эрхтэй юм байна. Ингэхдээ тухайн тээврийн хэрэгслийнхээ дугаар, чиглэлийг тодорхой хэлэх шаардлагатай. Иргэн таны гаргасан гомдлын дагуу Нийслэлийн Тээврийн газрын байцаагчид шалгалт хийж, зорчигчдод үйлчлэх хуваариа зөрчсөн автобус компаниудын зөрчлийг арилгуулах юм байна.
.jpg?1737345727832)
