Аймгийн ИТХ-ын хоёрдугаар хуралдаан болж, 2016 оны төсвийн тодотгол, 2016-2020 онд Өмнөговь аймгийг хөгжүүлэх Засаг даргын үйл ажиллагааны хөтөлбөрийг баталлаа.ИТХ-ын 31 төлөөлөгч ирэх ёстойгоос 27 ирж, 87 хувийн ирцтэй хуралдлаа. Хуралдаанаар төсвийн тодотгол, Засаг даргын үйл ажиллагааны хөтөлбөрийг хэлэлцэж баталсан юм. Түүнчлэн Батмөнх даян хааны алдрыг мөнхжүүлэх, Даланзадгад сумыг хотын статустай болгох боломжийг судлах, Эрдэм шинжилгээнд чиглэсэн заалт оруулж хэрэгжүүлэх саналуудыг дэмжиж Засаг даргын үйл ажиллагааны хөтөлбөрт тусгахаар боллоо.
