Ойрын өдрүүдэд ихэнх нутгаар хур тунадас ихтэй байна. Тодруулбал, нийслэл хотын хойд чиглэлд 61 гарам, Баруун турууны даваа, Борнуур, Жаргалант орчим цас бороо холилдож орж, Өвөрхангай аймагт мөн цас бороо холилдож орсон бол Завхан Тосонцэнгэл бороо, Дундговь аймаг Сайнцагаан - Хулд сумын хооронд бороо оржээ. Харин Баянхонгор аймаг, А14 дугаартай Ховд-Манхан-Булган-Улсын хил чиглэлийн замд Бага улаан даваа-Бодончийн хавцал хооронд 70 км-т цасаар шуурсан байна. Тиймээс Авто тээврийн үндэсний төвөөс орон нутгийн замд анхаарал болгоомжтой зорчих, тээврийн хэрэгслийн техникийн бүтэн байдлыг хангуулж замд гарах, үзэгдэх орчноо зөв тооцоолж, тохирох хурдыг сонгож явахыг зөвлөсөөр байна. Харин Замын цагдаагийн ерөнхий газраас жолооч нарыг автомашиныхаа өвлийн дугуйг тавихыг анхааруулж байна.
.jpg?1737345727832)
