Гадаадын анчид угалз, шонхор зэрэг ан амьтныг хууль бусаар агнаж байгаа тухай Монголын мэргэжлийн анчдын холбооны тэргүүн Д.Гэрэл “Ногоон парламент” ТББ-ын гишүүн Б.Батболд нарын хүмүүс мэдээлэл хийлээ. Мэргэлжийн анчдын холбооны тэргүүн Д.Гэрэл өнгөрсөн дөрөвдүгээр сард мэдээлэл хийж нууц тогтоолоор 240 орчим шонхорыг хууль бусаар ангах зөвшөөрөл олгосон байна. Нэг шонхороос 11 мянга 760 доллар улсад авч үлдэх ёстой байтал тэгэлгүй 5.4 тэрбум төгрөгийн хохирол улсад учруулсан энэ үеэр онцоллоо. Мөн нууц тогтоол гаргаж шонхор шувуу болон угалзыг хууль бусаар хил давуулсаар байгаа тухай мэдээлсэн юм. Тэдний хэлж буйгаар Хүрээлэн буй орчин байгалийн нөөцийн удирдлагын газрын дарга Д.Даваасамба гэгч АНУ-ын анчин Кампсад есдүгээр сарын 15-30-ны хооронд ан агнах тухай зөвшөөрлийг олгожээ. Улмаар угалзын ан хийгээд буцсан. Иймд “Д.Даваасамба болон “Монгол сафари” ХХК-ийн захирал Буяндэлгэр, “Лүүк Монголия” ХХК-ийн захирал Баттулга нарыг шалгаж өгөх хүсэлтийг АТГ-т хүргүүлжээ.
.jpg?1737345727832)
