Өчигдөр Замын цагдаагийн газрын ЖШУХ дээр нийт 446 дуудлага, мэдээ мэдээлэл хүлээн авснаас, зам тээврийн ослын 371 дуудлага бүртгэгдсэн байна. Үүнээс орон нутагт: Дорноговь аймгийн Даланжаргалан сумын “Элдэв” багийн нутаг Даланжаргалыан сумаас 35 км-т замд “H.Sonata-7” маркийн автомашины жолооч Д нь амины “T.Prius” маркийн Л жолоочтой автомашинтай мөргөлдөж, зорчигч 33 настай М-ийн амь нас хохирч, 4 хүн гэмтжээ. Мөн Өмнөговь аймгийн Ханбогд сумын нутаг Гашуун Сухайтын хилийн боомтоос 10 км-т асфальтан замд Northbenz маркийн автомашины жолооч М-ийн тээврийн хэрэгсэл зогсож байхад нь “Northbenz” ND4257 маркийн М жолоочтой автомашинтай мөргөлдөж, жолооч М-ийн амь нас хохирсон. Түүнчлэн Төв аймгийн Жаргалант сумаас зүүн тийш 5 км-т Хоёр гозгор гэх газар шороон замд амины “M.Fuso” автомашины жолооч М нь явган зорчигч А-г мөргөж амь насыг нь хохироосон.