Хан-Уул дүүргийн 11-р хороонд харъяалагддаг Богд-Уулын зүүн аманд, УИХ-ын гишүүн асан Л.Гүндалай өөрийн хөрөнгөөр зам барьсан хэмээн тус аманд амьдардаг айлуудаас замын хөрөнгийг хувааж өгөхийг шаардаж, ам руу өгсөх замыг хаасаар сар гаруй хугацаа өнгөрчээ. Энэ хугацаанд айлууд гэр лүүгээ автомашинтай орох боломжгүй болоод байсан ба өнгөрөгч амралтын өдрөөр замын хаалтыг тойрч гарах гэж байсан ачааны автомашин ухсан нүхэнд осолдож машины жолооч хүнд гэмтсэн хэрэг гарчээ. Энэхүү аманд УИХ гишүүн асан Л.Гүндалайн эзэмшлийн долоон хаус байдаг гэх ба өөрийн төрсөн дүү Л.Баяндалайн “Эм Би Эм Эн констракшн” компаниар хар зам хусуулж гаргажээ. Ингэхдээ замын хөрөнгөнд 56 сая төгрөг зарцуулсан учир уг замаар зорчихыг хүссэн өрх бүрээс 14 сая төгрөг нэхэмжлээд байгаа аж. Харин оршин суугчдын зүгээс нийтийн эзэмшлийн газарт зам барьж, иргэдээс мөнгө нэхэмжилж байгааг хууль бус гэж үзэж байгаа ба хорооны иргэд Байгаль орчин аялал жуулчлалын яам болон Хан-Уул дүүргийн засаг дарга нарт гомдол гаргаж арга хэмжээ авч өгөхийг хүссэн байна.
.jpg?1476173206128)
.jpg?1737345727832)
