8o
Улаанбаатар хот
mobile menu

Дугаарын хязгаарлалт өвлийн бүсчлэлд шилжлээ

2016-10-15 14:55:00

Авто замын түгжрэлийг сааруулах зорилгоор дөрвөн жилийн өмнөөс тээврийн хэрэгслийг улсын дугаарынх нь сүүлийн тоогоор нь хязгаарлан хөдөлгөөнд оруулж зохицуулалт хийх болсон. Ингэхдээ дугаарын хязгаарлалтыг өвөл, зуны цагийн хуваариас хамааруулж, өөрчилдөг.

Нийслэлийн Иргэдийн Төлөөлөгчдийн хурлаас гаргасан шийдвэрийн дагуу дугаарын хязгаарлалт нь өнөөдрөөс /2016.10.15/ өвлийн бүсчлэлд шилжиж байна. Энэ хуваарь 2017 оны дөрөвдүгээр сарын 15-н хүртэл мөрдөгдөнө. Ингэснээр өвлийн бүсчлэлийн цагийн хуваарь 2 цагаар багасч, 08:00-20:00 цаг хүртэл хязгаарлагдах болж буй юм.

ХЯЗГААРЛАЛТЫН БҮСЭД ДАРААХ ЗАМУУД ХАМААРЧ БАЙНА:

  • Чингисийн өргөн чөлөө 120 мянгатын уулзвараас хойш Энхтайваны гүүр;
  • ШУТИС-ийн МИС-ийн уулзвараас хойш Нарны гүүр;
  • Ажилчны гудамж ТЭЦ-4-ийн гэрлэн дохиотой уулзвараас Саппарогийн аюулгүй тойрог;
  • Саппорогийн аюулгүйн тойргоос 3, 4-р хорооллын эцэс Энэбишийн өргөн чөлөө, Тасганы овооны уулзвард
  • Тасганы овооны уулзвараас Баянбүрдийн аюулгүйн тойрог, Дэнжийн-1000 уулзвар, 32-н уулзвар;
  • 32-н уулзвараас Цагдаагийн гудамж, 100 айлын уулзвар, Их тойруу Дарь-Эхийн уулзвар;
  • Дарь-Эхийн уулзвараас Их тойруу, Сансарын аюулгүйн тойрог, Зүүн 4 замын уулзвар;
  • Зүүн 4 замын уулзвараас Энхтайваны өргөн чөлөө, Офицеруудын ордон, Чулуун овооны уулзвар;
  • Чулуун овооны уулзвараас Нарны зам Нарантуул ОУХТ-ийн уулзвар, Дүнжингарав худалдааны төвийн уулзвар;
  • Дүнжингарав худалдааны төвийн уулзвараас Нарны зам Дүнжингарав хорооллын уулзвараас дотогш замууд хамаарна.

ХЯЗГААРЛАЛТЫН БҮСЭЭС ХАСАГДСАН ЗАМУУД:

  • Сонгинохайрхан дүүргийн нутаг дэвсгэр дугаарын хязгаарлалтаас бүрэн чөлөөлөгдсөн;
  • Нисэхийн аюулгүйн тойргоос Яармагийн зам, ТЭЦ-3-ийн уулзвар, Ажилчны гудамж ТЭЦ-4-ийн уулзвар хүртэлх замууд;
  • ТЭЦ-3-ийн уулзвараас Чингисийн өргөн чөлөө хуучин цагаан хаалганы уулзвар ШУТИС-ийн МИС-ийн уулзвар хүртэлх замууд;
  • Хуучин цагаан хаалганы уулзвараас Чингисийн өргөн чөлөө 120 мянгатын уулзвар, Зайсангийн гэрлэн дохиотой уулзвар;
  • Яармагийн гүүрний урд уулзвараас Баянзүрхийн товчоо хүртлэх Богд уулын арын зам;
  • 120 мянгатын уулзвараас Их монголын гудамж Дүнжингарав худалдааны төвийн уулзвар хүртлэх замууд;
  • Говийн уулзвараас Дунд голын гудамж Энхтайваны гүүрний доод  зам, Гандигийн гудамж замууд;
  • Сансарын аюулгүй аюулгүйн тойргоос Доржийн гудамж цайзын уулзвар, Офицеруудын ордон хүртлэх замууд;
  • Дарь-Эхийн уулзвараас Дамбын уулзвар, 7-н буудал салдаг уулзвар, 32-н уулзвар хүртлэх замууд;
  • Дэнжийн-1000 зам, 6-р бичил хорооллын замууд бүрэн чөлөөлөгдсөн.
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment