Их эзэн Чингис хааны мэндэлсний 854 жил-Монгол бахархлын өдөр энэ сарын 31-ний өдөр тохионо.
Нийтээр тэмдэглэх баярын болон тэмдэглэлт өдрүүдийн тухай хуулийн 4 дүгээр зүйлийн 1.8-д жил бүрийн өвлийн тэргүүн сарын шинийн 1-нийг Их Эзэн Чингис хааны мэндэлсэн өдөр буюу “Монгол бахархлын өдөр” хэмээн тэмдэглэж байхаар заасан. Чингис хааны мэндэлсэн ойг билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн 1-ний өдөр хэмээн тогтоож, ёслон тэмдэглэж байх болсон. Хуульд зааснаар энэ өдөр бүх нийтээр амрах юм.
Энэ өдөрт зориулсан хүчит бөхийн барилдаан аравдугаар сарын 31-ний өдөр 14 цагаас Монгол бөхийн өргөөнд болно. Бөхийн барилдаанд улс, аймгийн алдар цолтой шилдэг 128 бөх зодоглох юм.
