Сонгуулийн Ерөнхий хорооноос сонгогчдыг урьж мандат бүхий хуудсыг хүргүүлсэн байна. Ийм хуудас нийт хэдийг хэвлүүлсэн нь одоогоор тодорхой бус байгаа ч энэ мэт зүйлд хөрөнгө, мөнгө зарцуулах хэрэггүй гэж үзэх хүмүүс байна. Монгол улсын иргэн сонгуульдаа идэвхтэй оролцох үүрэгтэй. Тиймээс сонгогчдыг сонгуульдаа идэвхтэй оролцохыг олон нийтийн мэдээллийн хэрэгслээр сурталчилах нь илүү үр дүнтэй байж мэднэ. Монголын Үндэсний олон нийтийн телевиз л гэхэд сонгуульд иргэдийг идэвхтэй хамруулах суртал ухуулга болон бусад асуудлаар үнэ төлбөргүй сурталчилгаа явуулах хууль, эрх зүйн үүрэгтэй. Эдийн засаг хүндэрч хаа, хаанаа хэмнэлтийн горимд шилжсэн цаг үед энэ мэт цаас хэвлэж тараах нь үрэлгэн арга байна гэж шүүмжлэх хүмүүс байна.
chuhal.mn
