Сүүлийн үед хар тамхи хэрэглэх, хил дамнан худалдах хэрэг маш их гарах болсон. Хамгийн сүүлд гэхэд энэ сарын 12-нд Замын-Үүд боомтоор хар тамхи нэвтрүүлсэн иргэдийг саатуулжээ. Тодруулбал, Эрээнээс орж ирсэн иргэн Б нь 70 гр нунтаг цагаан бодис авчирчээ. Түүнийг нь хүү Н нь А, Д нарын хамт Сонгинохайрхан дүүргийн 19 дүгээр хорооны нутаг дахь нэгэн цэнгээний газарт борлуулж байгаад тагнуул, цагдаагийнханд баригдсан байна.
