Монгол Улс Нэгдсэн Үндэстний байгууллагад гишүүнээр элссэний 55 жилийн ойг тэмдэглэх хүрээнд Монгол Улсын Гадаад харилцааны яам “Улаанбаатар Загвар Үндэстний Байгууллага” Төрийн бус байгууллагтай хамтран нийслэлийн Ерөнхий боловсролын дунд сургуулийн ахлах ангийн сурагчдын дунд “Model UN” жишиг бага хурлыг 10 дугаар сарын 22-24-ний өдрүүдэд зохион байгуулж байна.
Гурван өдөр үргэлжлэх “Model UN” жишиг бага хурал болон салбар хуралдаанууд англи хэл дээр болно. Уг арга хэмжээнд нийслэлийн Ерөнхий боловсролын 30 сургуулийн 180 орчим сурагч оролцож байгаа юм.
