Хэсэгчилсэн инженерийн хангамжийн удирдах газар, Эрчим хүчний зохицуулах хорооны мэргэжилтнүүд гэр хорооллын дахин төлөвлөлтийн хүрээнд усан халаалтын зуух Монголд нэвтрүүлэхээр ОХУ-ын Бийск хотод судалгаа хийж байна. Засгийн газар 2012 онд нийслэлийн зургаан дүүргийн гэр хорооллын өрхүүдийг усан халаалтын зуухтай болгох төсөл хэрэгжүүлсэн ч удалгүй зогсоосон.
Тэгвэл энэ удаа гэр хорооллын бүх айлыг ийм зуухтай болгохоор зорьжээ. Хэсэгчилсэн инженерийн хангамжийн удирдах газрын Зуух ашиглалт, орон сууцны албаны дарга О.Бямбацогт “Орчин үеийн дэвшилт технологийг Монголд нутагшуулах ажлын эхлэл нь энэ. Усан халаалтын зуух нь нам даралтынхтай харьцуулахад түлшинд хэмнэлттэй, бүрэн шатаадаг учир байгальд ээлтэй” гэв. Судалгаа амжилттай болбол 2017 оноос төслөө хэрэгжүүлэх юм байна.
.jpg?1737345727832)
