Дэлхийн болон Оюуны Олимпийн дээд амжилтыг эзэмшигч, Их мастер С.Цогбадрах зодог тайлсан байна. Тэрбээр оюуны спортоор долоон жил хичээллэж, Монгол Улсын аварга, олон улсын нээлттэй тэмцээн, Дэлхийн аварга, Оюуны олимп зэрэг тэмцээнүүдээс 50 гаруй медаль хүртжээ. Хамгийн сүүлд АНУ-ын Лас Вегас хотноо болсон "Memoriad-2016" оюуны олимпоос "Flash Numbers" буюу харааны ой тогтоолтын төрөлд алтан медаль хүртсэн байна. Ийнхүү тэрээр оюуны олимпийн хос алтан медальтай Монголын анхны тамирчин болж, дээд амжилтаа шинэчлэн тогтоосон аж. Их мастер С.Цогбадрах нь Монголын оюун ухааны академийн захирал Х.Хатанбаатарын анхны 15 шавийн нэг юм байна.
Дэлхийн дээд амжилтын эзэн, Их мастер С.Цогбадрах зодог тайлав
2016-11-13 11:45:00
