Зам тээврийн яамны Төрийн нарийн бичгийн дарга, “МТЗ” ТӨХК-ийн ТУЗ-ийн дарга асан Б.Батзаяаг баривчилсантай холбогдуулан Х.Баттулга сайдын зөвлөхөөр ажиллаж байсан Ч.Гансүх, Монголын төмөр замын гүйцэтгэх захирал асан П.Бат-Эрдэнэ нарыг интерполоор эрэн сурвалжлахаар болсон билээ. Өнгөрсөн долоо хоногийн амралтын өдрөөр “Либерти партнерс”-ийн захирал Ч.Ганбат нь гадаадад гарсан учраас Интерполоор эрэн сурвалжилж эхэлсэн бол “МТЗ” ТӨХК-ийн дэд захирал асан Пүрэвдоржийн Бат-Эрдэнийг мөн Интерполоор эрэн сурвалжилж эхэлжээ. Түүнийг Барилга хот байгуулалт, зам тээврийн яамны Төрийн нарийн бичгийн дарга асан, “МТЗ”-ын ТУЗ-ийн дарга асан Б.Батзаяа болон хуурамч гэгдээд буй “Samsung CT” corporation-ийн захирал нарын хэрэгтэй холбогдуулан мөнгө угаасан болон өмч хөрөнгө залилсан хэрэгт сэжиглэн эрэн сурвалжилж байгаа юм. Сануулахад, “Samsung CT” corporation-ийн захирлыг баасан гаригийн 13.00 цагт батлан даалтанд гаргасан бол Б.Батзаяаг 17,00 цагт батлан даалтад гаргасан юм. ЭЦГ-ын Эдийн засгийн гэмт хэрэгтэй тэмцэх хэлтсээс П.Бат-Эрдэнийг “Samsung CT”-тай 45 сая ам.долларын хуурамч гэрээ хийж улсад их хэмжээний хохирол учруулсан гэж буруутгаж буй аж.