Сэрэмжлүүлэг: Өнөөдрөөс эхлэн 22-ныг дуустал ихэнх нутгаар хүйтэрч цасан шуурга шуурна

Малчид, тээвэрчид, иргэдийн анхааралд:

  19-22-нд ихэнх нутгаар хүйтний эрч нэмж чангарахыг онцгойлон анхааруулж байна. Тиймээс энэ өдрүүдэд аюулгүй байдлаа ханган хөдөө орон нутагт зорчихгүй байх шаардлагатай тохиолдолд техникийн бүрэн бүтэн байдал, шатахууны нөөцтэй явахыг холбогдох байгууллагаас сануулж байна.

 

2016 оны 11 дүгээр сарын 20-ноос 11 дүгээр сарын 24-нийг хүртэлх цаг агаарын урьдчилсан төлөв:

  20-21-нд нутгийн баруун өмнөд хэсгээр цас орно. Салхи  20-нд нутгийн өмнөд хэсгээр секундэд 14-16 метр хүрч ихэнх нутгаар явган шуурга шуурна. Хүйтний эрч чангарч Дархадын хотгор, Идэр, Тэс голын хөндийгөөр шөнөдөө 40-45 градус, өдөртөө 27-32 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 32-37 градус, өдөртөө 20-25 градус, говийн бүс нутгийн өмнөд хэсгээр шөнөдөө 15-20 градус, өдөртөө 8-13 градус, бусад нутгаар шөнөдөө 26-31 градус, өдөртөө 16-21 градус хүйтэн байна.Хугацааны эцсээр өдөртөө хүйтний эрч бага зэрэг суларна.