Далай ламын номын айлдварыг сонсох гэсэн иргэд Буянт-Ухаа цогцолборын гадна дугаарлаж байна

Дээрхийн гэгээн XIV Далай багшийн Монгол Улсад хийж байгаа айлчлал амжилттай үргэлжилж байна. Далай лам яг одоо сүсэгтэн олонд зориулж Богд ламын ван авшиг, Шар жигжид бурхны насны авшиг зэрэг нэн ховор нарийн номыг Буян-Ухаа спорт цогцолборт айлдаж эхлээд байна. “Буянт-Ухаа” цогцолбор дүүрсэн бөгөөд олон хүн орох боломжгүйгээс гадаа хүлээж байгаа аж. Зарим нь дотогшоо нэвтрэхийн тулд цагдаа нартай муудалцаж асуудал үүсгэж байгаа аж. Бүр зарим нь хүчээр орох гэж дайрснаас үүдэн гэмтэж бэртсэн байна. Далай багшийн айлтгалд аль болох олон хүнийг хамруулах зорилгоор Гандантэгчинлэн хийдээс өглөөний хуралд оролцож чадаагүй сүсэгтэн олныг үдээс хойш 13:00-15:00 цагт үргэлжлэх айлтгалд оролцох боломжтой талаар хэлж байна.

Гандантэгчинлэн хийдээс анх энэхүү үйл ажиллагааг UB паласт зохион байгуулахаар төлөвлөсөн байсан ч илүү олон хүн хамрах болсон тул Буянт-Ухаа дахь спорт цогцолборт болгон өөрчилжээ. Далай лам өчигдөр Гантэгчинлэн хийдийн өмнө сүсэгтэн олонд мэндчилгээ дэвшүүлсэн билээ. Маргаашнаас эхлэн Далай лам хөтөлбөрийн дагуу шахуу арга хэмжээтэй байх юм байна. Түүний нас өндөр учраас биеийн байдлаас шалтгаалан хөтөлбөрт өөрчлөлт орж магадгүйг зохион байгуулагчдын зүгээс анхааруулж байгаа билээ.

Далай ламын айлчлалын хөтөлбөрийг танилцуулж байна.

2016 оны 11-р сарын 20-ны өдөр/Ням гариг/

-09:30-11:30 цагт Дээрхийн гэгээнтэн XIV Далай багш Монголын нийт лам хувраг сүсэгтэн олонд Богд ламын ван, Жигжидийн цэван айлдана. /Буянт-Ухаа дахь спорт цогцолборт/

- 13:00-15:00 цагт Дээрхийн гэгээнтэн XIV Далай багшийн номын айлдвар үргэлжилнэ. /Буянт-Ухаа дахь спорт цогцолборт/

2016 оны 11-р сарын 21-ны өдөр /Даваа гариг/

-09:30-11:00 цагт Дээрхийн гэгээнтэн XIV Далай багш Монголын нийт лам хуврагууд болон Их, дээд сургуулийн эрдэмтдийн дунд “Шинжлэх ухаан ба Бурханы сургаал” сэдэвт хэлэлцүүлэг явагдана. /Соёлын төв өргөөнд/

-13:00-15:00 цагт Дээрхийн гэгээнтэн XIV Далай багш Монголын нийт лам хуврагууд болон Их дээд сургуулийн эрдэмтдийн дунд “Шинжлэх ухаан ба Бурханы сургаал” сэдэвт хэлэлцүүлэг үргэлжлэн явагдана. /Соёлын төв өргөөнд/

2016 оны 11-р сарын 22-ны өдөр /Мягмар гариг/

-09:00-11:00 цагт Дээрхийн гэгээнтэн XIV Далай багшид Хүндэт докторын цол гардуулна. /ХААИС/

- 13:00-15:00 цагт Дээрхийн гэгээнтэн XIV Далай багш Их, дээд сургуулиудын оюутан залуучуудтай уулзах уулзалт болно. /Соёлын төв өргөөнд/

2016 оны 11-р сарын 23-ны өдөр /Лхагва гариг/

-07:45-08:00 цагт Дээрхийн гэгээнтэн XIV Далай багш сэтгүүлчдийг хүлээн авч, уулзалт хийнэ. /Их Тэнгэр цогцолборт/

- 08:45 цагт Дээрхийн Гэгээнтэн XIV Далай багшийг МБШТөв Гандантэгчэнлин хийдийн Тэргүүн их хамба лам, гавж Д.Чойжамц тэргүүтэй лам хуврагууд “Чингис хаан” олон улсын нисэх онгоцны буудлаас үднэ.

chuhal.mn