Нийслэлийн мэргэжлийн хяналтын газрын Эрүүл мэнд, боловсрол, соёл, хяналтын хэлтсээс нийслэлд эмнэлгийн үйл ажиллагаа явуулж буй аж ахуйн нэгжүүдэд шалгалт хийсэн байна. Энэ үеэр Баянгол дүүргийн гуравдугаар хороо, “Грейс” төвийн хоёр давхарт эмнэлгийн үйл ажиллагаа явуулж буй эмнэлэгийн эмч нар шарх угаах, гадуур хэрэглэх зориулалтай 3 хувийн 1 мл уусмалыг /перкис/ хордлого тайлах, шингэн сэлбэх зориулалттай 0.9 хувийн 250 мл натрийн хлоридын уусмалтай хольж, найруулан өвчтнүүдийн биед венийн судсаар хийж байсан нь илэрсэн байна. Шалгалтын хүрээнд дээрх эмнэлгийг улсын ахлах байцаагчийн актаар үйлчилгээг нь зогсоож, зөрчил гаргасан бага эмч П.Ц-д “Эрүүл мэндийн тухай хууль”-ийн холбогдох заалтын дагуу захиргааны арга хэмжээ авсан байна.
.jpg?1738304480635)
.png?1738035310874)
