8o
Улаанбаатар хот
mobile menu

Ирэх Даваа гарагаас 11 уулзвараар гэрэл дохио хамаарахгүй баруун гар тийш эргэнэ

2016-12-16 10:04:07

Ирэх Даваа гараг буюу арванхоёрдугаар сарын 19-нөөс 11 уулзвараар гэрэл дохио хамаарахгүй баруун гар тийш эргэхээр болсон талаар Нийслэлийн Засаг даргын тамгын газраас мэдээллээ.

Эдгээрт:

1.32-ын тойргийн уулзвар
2.100 айлын уулзвар
3.Дарь-Эхийн уулзвар
4.Тасганы овооны уулзвар
5.ЭНЭШТ-ийн уулзвараар
6.Төв шуудангийн уулзвар
7.10-р хорооллын уулзвар
8.120 мянгатын уулзвар
9.АПУ-ын хойд уулзвар
10.ТЭЦ 3-ын арын уулзвар
11.Амарсанаагийн уулзвар орж байна.

Улаанбаатар хотын замын хөдөлгөөний хэт ачааллыг бууруулах зорилгоор Баруун болон Зүүн дөрвөн зам, Саппоро, Гэсэр сүмийн уулзвараар улаан гэрэл үл хамааран эргэж болох зохицуулалт хийж, аравдугаар сарын 10-ны өдрөөс хэрэгжиж эхэлсэн.

Ийнхүү ирэх Даваа гарагаас эхлэн нийт 15 уулзвараар гэрэл дохио хамаарахгүй баруун гар тийш эргэх боломжтой болж байна.

Жолооч баруун гар тийш эргэхдээ эсрэг урсгалаас ногоон гэрлээр ирж буй автомашинд болон зам гарч яваа явган зорчигчид зам тавьж өгөх ёстой.

Нийслэлийн хэмжээнд гэрлэн дохионы зохицуулалттай 142 уулзвар байгаагаас 48 уулзвар баруун гар тийш тогтмол эргэх боломжтой.

Улаанбаатар хотын Замын цагдаагийн газрын судалгаагаар уулзвар нэвтрэхдээ тээврийн хэрэгсэл гэрлэн дохио үл хамааран баруун гар тийш чөлөөтэй эргэх нь уулзварын нэвтрэх чадварыг нэмэгдүүлж, тухайн уулзварт үүссэн түгжрэлийг 20 хувь багасгах юм.

Мөн авто машины дуу чимээ, агаарын бохирдлыг багасгахад эерэгээр нөлөөлнө гэж тооцож байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment