“Энержи Ресурс” компанийн Эрчим хүч, геологи уул уурхайн үйлдвэрчний эвлэл болон тус компанийн уурхайчдын төлөөлөл мэдээлэл хийлээ. Тус компанийн ажилчдыг энэ оны долдугаар сарын 01-ээс эхлэн ажлаа зогсоон амраасан байна. Харин амраасан 200 гаруй уурхайчнаа өнгөрсөн арваннэгдүгээр сарын 23-ны өдрөөс эхлэн цомхотголд оруулж, халах болсноо мэдэгджээ. Үүнээс гадан өнгөрсөн долдугаар сараас эхлээд амраасан сул зогсолтын мөнгөө ч өгөөгүй аж. Олборлолтын хэсэгт 700 орчим уурхайчин ажилладаг бөгөөд 200 гаруйг нь цомхотгосон байна. Компанийн зүгээс дээрх үүссэн асуудлыг арванхоёрдугаар сарын 30-ны дотор шийднэ гэж мэдэгджээ. Гэвч уурхайчид эл хугацааг хүлээхгүйгээс гадна асуудлыг нааштайгаар шийдэхгүй бол тэмцлийн бүхий л хэлбэрийг сонгоно гэлээ.Тэд өнөөдрөөс эхлэн компанийн байран дээр суулт зарлах юм байна.
