Чингэлтэй дүүрэг дэх цагдаагийн хоёрдугаар хэлтсийн алба хаагчид эзэд нь байхгүй хойгуур зуслангийн байшингийн паркетан шалыг нь хуулж аваад явсан, LCD зурагтыг нь хулгайлсан хэргүүдийг илрүүлжээ. Зуслангийн эзэнгүй байшинд нэвтрэн орж мөнгөн аяга, зурагт, үнэт эдлэл хулгайлсан Б, А, О нарт эрүүгийн хэрэг үүсгэн шалгаж эхэлсэн байна.
Өвлийн цагт зуслангийн эзэнгүй байшингаас хулгай хийх хэргүүд ихэсдэг аж. Тиймээс иргэд үнэт эд зүйлээ зуслангийн байшиндаа орхихгүй байх, гэрээ эзэнгүй орхиж байгаа гэдгээ зуслангийн манаач, сахиулд заавал мэдэгдэх, харуул хамгаалалтын байгуулагатай хамтарч ажиллах зэргээр өөрийн өмч хөрөнгөө хамгаалах хэрэгтэй гэдгийг Цагдаагийн байгууллагаас анхааруулж байна.
.jpg?1738304480635)
.png?1738035310874)
