Зам тээврийн осол гаргасан жолооч нар хэргийн газрын орхин зугтсан тохиолдол энэ оны эхний 11 сард 420 бүртгэгдсэн талаар өнөөдөр Замын цагдаагийн алба (ЗЦА)-аас мэдээлэв.
Зам тээврийн осол нь санамсаргүй байдлаар үйлдэгддэг тул хөнгөн хэрэгт тооцогддог. Гэтэл жолооч нар бичиг баримтын зөрчилтэй эсхүл согтууруулах ундаа хэрэглэсэн үедээ жолоо барьж явахдаа осол гаргаж, улмаар хэргийн газраас зугтсаны улмаас хүлээх хариуцлагыг нь хүндрүүлдэг аж. Өөрөөр хэлбэл, хэргийн газраас зугатсан тохиолдолд ослыг санаатай үйлдсэн хэмээн үзэж хүндэвтэр гэмт хэргийн төрөлд хамруулдаг байна.
Иймд жолооч нарыг зам тээврийн осол, хэрэгт холбогдсон тохиолдолд тээврийн хэрэгслээ нэн даруй зогсоож, гэмтсэн хүнд эмнэлгийн анхан шатны тусламж үзүүлэх, цагдаагийн байгууллагад мэдэгдэж жолоочийн болон иргэний үүргээ биелүүлэхийг ЗЦА-наас зөвлөв.
