УИХ-ын Төрийн байгуулалтын байнгын хорооны өнөөдрийн хурлаар Ерөнхийлөгчийн сонгуулийн тухай хуулийн төслийг хэлэлцэх эсэх, УИХ-ын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл, “Нийтийн сонсгол зохион байгуулах журам батлах тухай” УИХ-ын тогтоолын төслийг хэлэлцэх эсэхийг шийдэх юм.
Харин одоо Ерөнхийлөгчийн сонгуулийн тухай хуулийг хэлэлцэж байна. Уг хуралдаанд Ардчилсан намын бүлгийн гишүүд оролцоогүй бөгөөд УИХ-ын гишүүн О.Баасанхүү гурван намын төлөөллийг байлцуулж энэ хуулийг хэлэлцье гэсэн санал гаргасан ч дэмжигдсэнгүй.
Учир нь тус байнгын хороонд харьяалагддаг АН-ын бүлгийн Ж.Батзандан, Б.Наранхүү, Д.Эрдэнэбат нарын гишүүд албан ёсоор чөлөө аваад явсан учраас хойшлуулах боломжгүй гэсэн хариулт өгсөн юм. Харин О.Баасанхүү хуралд суухгүй гэдгээ мэдэгдээд гарч явсан юм. Хэлэлцэж буй асуудалтай холбогдуулан гишүүд асуулт асууж, санал хэлсний дараа хуулийн төслийн хэлэлцэх эсэхээр санал хураахад олонхийн саналаар хэлэлцэхийг дэмжлээ.
