Нийслэлийн Агаарын бохирдлыг бууруулах газраас ЧД-ийн 72-р сургуулийн халаалтын зууханд хэмжилт хийлээ

Нийслэлийн Засаг Даргын А/805 захирамжийн хүрээнд Улаанбаатар хотын халаалтын болон уурын зуухуудад хяналт шалгалт хийх ажлыг  2016 оны 11 сарын 18-ны өдрөөс эхлэн тогтмол хийж байна. Улаанбаатар хотын хэмжээнд 157 байршилд 317 зуух үйл ажиллагаагаа явуулдаг. Хэмжилтийн ажлын хүрээнд Нийслэлийн Агаарын бохирдлыг бууруулах газар нь халаалтын зуухнаас ялгарч буй агаар бохирдуулагч бодисуудын хэмжилтийг 10 зууханд хийгээд байна. 2016 оны 01 сарын 04-ны өдөр Чингэлтэй дүүргийн 72-р сургуулийн халаалтын зууханд хэмжилт хийсэн байна.