УИХ энэ долоо хоногт багтаан Сонгуулийн хуульд өөрчлөлт оруулан батлахаар төлөвлөж байгаа. Сонгуулийн хуульд өөрчлөлт оруулахыг шийдэх хуулийн хугацаа ч энэ долоо хоногоор дуусгавар болж буй. УИХ-ын энэ долоо хоногт хэлэлцэхээр төлөвлөсөн хуваарийн дагуу өнөөдөр үдээс хойш Сонгуулийн хуулийн төслүүдийг нэгтгэх ажлын хэсэг хуралдлаа.
УИХ-ын Төрийн байгуулалтын байнгын хорооноос байгуулагдсан тус ажлын хэсгийг УИХ-ын гишүүн А.Бакей ахалжээ. Түүний тайлбарлаж буйгаар ажлын хэсэг хоёр дахь хуралдаанаа өнөөдөр хийсэн байна. Мөн одоогоор тодорхой шийдэлд хүрээгүй байна хэмээсэн юм.
