3o
Улаанбаатар хот
mobile menu

"Авлигын эсрэг үндэсний чуулган" үргэлжилж байна

2017-01-11 13:50:48

Манай улсад авлигатай тэмцэх байгууллага үүсэн байгуулагдсаны 10 жилийн ой энэ өдрүүдэд тохиож байна. Авлигатай тэмцэх газар үүсэн байгуулагдсаны 10 жилийн ойгоо ажил хэрэгч, бүтээлч байдлаар тэмдэглэн өнгөрүүлнэ гэж хэлж байгаа юм. Энэ хүрээнд авлигатай үр дүнтэй тэмцэх чиглэлээр асуудал дэвшүүлэн, шийдвэрлэх арга замаа тодорхойлж, цаашид нийгмийн бүлгүүдтэй хамтран ажиллах зорилгоор өнөөдөр "Авлигын эсрэг үндэсний чуулган"-ыг зохион байгуулж байна.

Үндэсний чуулган нь "Авлигатай тэмцэх эрх зүйн орчин, шүүх эрх мэдлийн болон хууль сахиулах байгууллагуудын хамтын ажиллагаа", "Төрийн байгууллагын ил тод, шударга, хариуцлагатай байдал", "Хувийн хэвшил дэх авлигаас урьдчилан сэргийлэх асуудал", "Авлигаас урьдчилан сэргийлэх үйл ажиллагаанд олон нийт, хэвлэл мэдээллийн болон төрийн бус байгууллагын оролцоо" гэсэн 4 салбар хуралдаанаар үргэлжилж байна.

Уг арга хэмжээнд УИХ-ын дарга, Ерөнхий сайд нар оролцож буй УИХ-ын гишүүд төрийн байгууллагын удирдах албан тушаалтнууд, иргэний нийгмийн болон хувийн хэвшил, хэвлэл мэдээллийн байгууллагын төлөөлөгчид хуран чуулж, авлигын сэдвээр тулгамдсан асуудал, бэрхшээл бүхнийг салбар тус бүрийн түвшинд хэлэлцэж, шийдвэрлэх арга замаа тодорхойлон ярилцах юм.

2006 оны долдугаар сарын 8-ны өдөр батлагдсан авлигын эсрэг хуулиар авлигаас урьдчилан сэргийлэх, олон нийтэд авлигын нийгмийн хор аюулыг ухуулан таниулах, албан тушаалтны хөрөнгө, орлогын мэдүүлгийг бүртгэх, авлигын гэмт хэргийг илрүүлэх, мөрдөн шалгах чиг үүрэг бүхий бие даасан төрийн тусгай байгууллага-Авлигатай тэмцэх газар ажиллуулахаар тусгасан юм.

Т.Энхэлээ

 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
Та хүнсний болон бараа бүтээгдэхүүнээс ихэвчлэн хаанаас худалдаж авдаг вэ?

Нийт санал өгсөн: 203