“Улаанбаатар зам засвар, арчлалтын газар” ОНӨААТҮГ нь Наадамчдын зам буюу Яармагийн гүүрнээс Нисэхийн аюулгүйн тойрог хүртэлх 6.6 км замын цас мөсний цэвэрлэгээг хариуцан ажиллаж байгаа.
Уг ажлын хүрээнд өчигдөр 3 техник, 20 хүний бүрэлдэхүүнтэйгээр Яармагийн гүүрнээс Нисэхийн аюулгүйн тойрог хүртэлх 3 км явган хүний замыг цасыг шүүрдэж, 4 км явган хүний замын тагтаршсан цасыг зориулалтын техникээр хусаж цэвэрлэжээ.
Мөн Чингэлтэй дүүргийн Тохижилт үйлчилгээ ХХК-ийнхан дүүргийн зуслангийн хэсгийн замын цасыг цэвэрлэх, цасыг грейдрээр хусч цэвэрлэжээ. Тэд нийт 1 мастер, 1 жолооч, 1 грейдр, 1 ашиглалтын инженер, 80 зам талбайн үйлчлэгчийн бүрэлдэхүүнтэй ажилласан байна.