Монгол Улсын Шадар сайд, Улсын онцгой комиссийн дарга У.Хүрэлсүх өвөлжилт хүндэрсэн зүүн аймаг, сумдад ажиллана. Тэрээр энэ сарын 16-23-ны өдрүүдэд өвөлжилтийн нөхцөл байдалтай газар дээр нь танилцаж, төр, захиргаа болон онцгой байдлын байгууллагад заавар, зөвлөгөө өгч, цаг үеийн шинжтэй зарим тулгамдсан асуудлуудыг газар дээр нь шийдвэрлэх юм байна.
Мөн малчид, иргэдтэй уулзаж, санал бодлыг нь сонсон Засгийн газрын тогтоолын дагуу орон нутагт хуваарилсан өвс, тэжээл, автомашин, бараа материалыг хүлээлгэн өгөх юм.
