“Халх гол” бүсэд олгосон 24 аж ахуйн нэгжийн газрын зөвшөөрлийг хүчингүй болгожээ

“Халх гол бүтээн байгуулалтын бүсэд” 24 аж ахуй нэгжид газар олгосон шийдвэрийг хүчингүй болголоо. Засгийн газрын 2016 оны 187 дугаар тогтоол, Хүнс, хөдөө аж ахуй, хөнгөн үйлдвэрийн сайдын 2016 оны А-76, Хөдөө аж ахуйн “Халх гол” үндэсний бүтээн байгуулалтын бүсийн захирлын 2017 оны А-01 тушаалаар батлагдсантай холбогдуулан тус бүсийн захиргаанаас 2016 оны 07 дугаар сарын 29-ны өдөр иргэн, хуулийн этгээдтэй байгуулсан газар ашиглах гэрээ, хөрөнгө оруулж хамтран ажиллах гэрээ, газар ашиглах эрхийн гэрчилгээг хүчингүй болгожээ. Түүнд 000001-000034 хүртэл дугаартай газар ашиглах эрхийн гэрчилгээ багтсан байна.