8o
Улаанбаатар хот
mobile menu

Шадар сайд өвөлжилт хүндэрсэн аймгуудад ажиллаж байна

2017-01-18 15:29:00

Монгол Улсын шадар сайд У.Хүрэлсүх зүүн бүсийн өвөлжилт хүндэрсэн аймгуудад ажиллахаар даваа гарагт Нийслэлээс мордсон билээ. Одоогоор Шадар сайдаар ахлуулсан ажлын  Улсын онцгой комиссын баг Хэнтий аймгийн Дадал, Норовлин сумдад өвөлжилттэй танилцаж байна. Хэнтий аймагт хүйтний хэм -40 хэмд хүрч, нутгийн ихэнх хэсэг цасан бүрхүүл тогтсноос гадна цас хатуурсан тул өвөлжилт хүндрээд байгаа юм. Тухайлбал, тус аймгийн Норивлин сумын 80 гаруй малчин өрх отор нүүдэл хийж, өвөлжилтийн хүнд нөхцөлд малын хоргодолгүй даван туулах арга замыг эрэлхийлж байгаатай Шадар сайдаар ахлуулсан Улсын онцгой комиссын баг газар дээр нь очиж танилцан, шаардлагатай тусламж үзүүлжээ.

Улсын онцгой комисс , Монгол Улсын шадар сайдын зүгээс улсын нөөцөөс өвс, тэжээл болон цас дарсан зам гүвээний цасыг арилгах зориулалттай цас арилгагч техник хэрэгслийг өвөлжилт хүндэрсэн цэгүүдэд гардуулан өгсөн байна. Цаашид Хэнтий аймагт цас нэмэн орж, шуурсан тохиолдолд өвөлжилтийн байдал улам хүндрэх төлөвтэй байгаа тул үүсэж болзошгүй эрсдэлд бэлтгэлтэй байхыг шадар сайдын зүгээс онцгойлон анхааруулав. Улсын онцгой комиссын баг Хэнтий аймгийн Норивлон сумаас Дорнод аймгийн Баян-Уул суманд ажиллахаар өнөөдөр хөдөлнө.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл